മനസിലിടം പിടിച്ച സിനിമാ ഗാനങ്ങളിലൊന്ന്. ഇത്ര മധുരമാണ് മരണമെന്ന് ഓർമിപ്പിച്ച കവിയ്ക്ക് നന്ദി.
മരണമെത്തുന്ന നേരത്ത് നീയെന്റെ അരികില് ഇത്തിരി നേരം ഇരിക്കണേ
കനലുകള് കോരി മരവിച്ച വിരലുകള് ഒടുവില് നിന്നെ തലോടി ശമിക്കുവാന്
ഒടുവിലായകത്തേക്കെടുക്കും ശ്വാസ കണികയില് നിന്റെ ഗന്ധമുണ്ടാകുവാന്
മരണമെത്തുന്ന നേരത്ത് നീയെന്റെ അരികില് ഇത്തിരി നേരം ഇരിക്കണേ
ഇനി തുറക്കേണ്ടാതില്ലാത്ത കണ്കളില് പ്രിയതേ നിന് മുഖം മുങ്ങി കിടക്കുവാന്
ഒരു സ്വരം പോലുമിനിയെടുക്കാത്തോരീ ചെവികള് നിന് സ്വര മുദ്രയാല് മൂടുവാന്
അറിവും ഓര്മ്മയും കത്തും ശിരസ്സില് നിന് ഹരിത സ്വച്ഛ സ്മരണകള് പെയ്യുവാന്
മരണമെത്തുന്ന നേരത്ത് നീയെന്റെ അരികില് ഇത്തിരി നേരം ഇരിക്കണേ
അധരമാം ചുംബനത്തിന്റെ മുറിവുനിന് മധുര നാമ ജപത്തിനാല് കൂടുവാന്
പ്രണയമേ നിന്നിലേക്ക് നടന്നോരെന് വഴികള് ഓര്ത്തെന്റെ പാദം തണുക്കുവാന്
പ്രണയമേ നിന്നിലേക്ക് നടന്നോരെന് വഴികള് ഓര്ത്തെന്റെ പാദം തണുക്കുവാന്
അതുമതി ഉടല് മൂടിയ മണ്ണില് നിന്ന് ഇവന്പുല്ക്കൊടിയായ് ഉയര്ത്തെല്ക്കുവാന്
മരണമെത്തുന്ന നേരത്ത് നീയെന്റെ അരികില് ഇത്തിരി നേരം ഇരിക്കണേ....
മരണമെത്തുന്ന നേരത്ത് നീയെന്റെ അരികില് ഇത്തിരി നേരം ഇരിക്കണേ....
സിനിമ: സ്പിരിറ്റ്
രചന: റഫീഖ് അഹമദ്
സംഗീതം: ഷെഹബാസ് അമൻ
ആലാപനം : ഉണ്ണിമേനോൻ
No comments :
Post a Comment